Breska blaðið Guardian segir frá því í dag að Jón Ásgeir Jóhannesson noti dagblað í eigu eiginkonu sinnar til að koma á framfæri athugasemdum vegna meðferðar stjórnvalda á sínum málum. Er þar vísað til þess að nýlega hafi Jón Ásgeir birt grein í Fréttablaðinu þar sem hann rakti ofsóknir stjórnvalda á hendur sér undanfarinn áratug eða svo.

Í greininni er Aurum-málið svokallaða reifað en í því er Jón Ásgeir ákærður fyrir að hafa beitt bankastjóra Glitnis þrýstingi og fortölum til að veita félaginu FS38 ehf. 6 milljarða króna lán frá Glitni, honum sjálfum og Fons til hagsbóta.

Blaðið rekur svo viðskiptasögu Jóns Ásgeirs, með áherslu á eignir hans í Bretlandi. Þá er einnig rifjað upp að Jón Ásgeir hafi áður sagt íslensk stjórnvöld leggja á ráðin gegn sér í kjölfar Baugsmálsins svokallaða.

Jón Ásgeir hefur því verið áberandi í umfjöllun bresku pressunar í dag. The Telegraph greindi frá því í morgun að Jón Ásgeir hefði keypt hlut í Muddy Boots sem selur verslunum hamborgara. 

Tengdar fréttir

Aurum Holding-málið

Aurum Holding ekki fyrir Hæstarétt

• Feginn að komið sé að endimörkum
• 59 milljónir falla á ríkissjóð
• Allir sýknaðir í Aurum-málinu
• „Ég er bara lítill fjárfestir“

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Guardian rekur mál Jóns Ásgeirs//Vonandi gengur honum allt í hagin!!!