Stórtæk lóða- og fasteignakaup í 101

Landsbankinn hefur samið við Pálmar Harðarson um kaup á Hljómalindarreit, Brynjureit og Vatnsstígsreit, að því er heimildir Morgunblaðsins herma.

Ekki er búið að ganga frá kaupunum heldur vinnur Pálmar nú að því að ganga frá fjármögnun til þeirra. Hann mun standa einn að kaupunum, en hann á fasteignaþróunarfélagið Þingasel. Þetta eru mikilvægir reitir í miðborginni og er fyrirhuguð mikil uppbygging á þeim.

Í umfjöllun um mál þetta í Morgunblaðinu í dag kemur fram, að Pálmar er að byggja á svokölluðum Lýsisreit og hyggst reisa þar um 100 íbúða fjölbýlishús.