Einn af hverjum tíu missir vinnuna

Annar stærsti banki Þýskalands, Commerzbank, ætlar að fækka störfum um 4-6 þúsund á næstu þremur árum. Það þýðir að einn af hverjum tíu starfsmönnum bankans muni missa vinnuna.

Er þetta rakið til fjármála- og skuldakreppunnar, segir í frétt AFP fréttastofunnar. Forsvarsmenn stéttarfélaga starfsmanna bankans eru ævareiðir vegna þessa og segja að stéttarfélögin muni berjast gegn þessu af fullum krafti.

Nákvæm tala liggur ekki fyrir og verður ekki kunngjörð fyrr en eftir viðræður við stéttarfélög í byrjun febrúar. Eins liggur heldur fyrir hvaða deildir bankans verða verst úti í uppsögnunum. Í lok september á síðasta ári störfuðu 56.287 manns hjá Commerzbank.

• 1 blogg um fréttina

Bloggað um fréttina

• Sigurður Haraldsson: Við vitum þetta!