Vaxandi atvinnuleysi innan ESB
Setja bókamerki
Samtals voru tæpar 26 milljónir manna atvinnulausir í ríkjum Evrópusambandsins samkvæmt nýjum tölum frá Eurostat, hagstofu sambandsins. Þar af voru 18,7 milljónir atvinnulausar á evrusvæðinu.
Fram kemur á fréttavefnum Euobserver.com að atvinnuleysi hafi aukist bæði á evrusvæðinu sem og í Evrópusambandinu í heild miðað við desember 2011. Þannig hafi atvinnuleysi farið úr 10,7% í 11,7% á evrusvæðinu og úr 10% í 10,7% innan sambandsins í heild.
Samkvæmt heimasíðu Eurostat var atvinnuleysið mest á Spáni eða 26,1% af þeim ríkjum þar sem tölur liggja fyrir. Nýjustu tölur fyrir Grikkland eru frá í október en þá var atvinnuleysið þar í landi 26,8%. Næstmest skráð atvinnuleysi í desember var í Portúgal eða 16,5%. Þar á eftir komu Írland, Slóvakía og Kýpur með 14,7% atvinnuleysi.
Forstjóri bendir á ábyrgð birgja vegna verðhækkana
Hrikalegt að heyra fréttirnar
Ók á hóp fólks á jólamarkaði: Einn látinn
Bjarni: „Útilokað að þetta geti gengið upp“
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
