Varar við efnahag Spánar og Slóveníu

Framkvæmdastjórn Evrópusambandsins varaði við því í dag að ríkisstjórnir Spánar og Slóveníu yrðu að hafa hraðar hendur við að taka á miklu ójafnvægi í efnahagsmálum ríkjanna.

Fram kemur í frétt AFP að spænsk og slóvensk stjórnvöld fái einungis nokkrar vikur til þess að sýna fram á að þau geti komið á þeim umbótum sem nauðsynlegar séu að mati framkvæmdastjórnarinnar.

Evrópusambandið og Alþjóðagjaldeyrissjóðurinn hafa þegar þurft að koma spænska bankakerfinu til bjargar og talið er líklegt að Slóvenía sé næsta evruríki sem leita þurfi á náðir þeirra vegna skuldamála sinna.

• 2 blogg um fréttina

Bloggað um fréttina

• Heimssýn: Djísis kræst - hvar endar þetta?
• Páll Vilhjálmsson: ESB er framtíð sem ekki virkar