Ekki krafa Þýskalands heldur Evrópu

Fjármálaráðherra Þýskalands, Wolfgang Schaeuble, segir að krafan um að evru-ríkin dragi úr skuldahallanum sé krafa Evrópu sjálfrar ekki Þýskalands. Sú krafa verður sífellt háværari meðal evru-ríkja að stjórnvöld í Þýskalandi dragi úr kröfunni um niðurskurð og frekar sé horft til að auka hagvöxt.

Sagði hann á vorfundi Alþjóðagjaldeyrissjóðsins og Alþjóðabankans í Washington í dag að enginn ætti að velkjast í vafa um að nauðsynlegt sé að draga úr skuldum ríkja. Þar standi ríkin saman af heilum hug.

Schaeuble varar við óraunhæfum væntingum um hagvöxt í ríkjum Evrópusambandsins þar sem djúp efnahagslægð ríkir. Evrópa verður ekki í forystu hvað varðar hagvöxt, segir hann. Hann spáir því að hagvöxturinn verði 1-1,5% í Evrópu í framtíðinni. Vöxturinn sé ekki nægur þessi misserin er efnahagsástandið sé samt á réttri leið og dregið hafi úr vantrú á evrunni.

• 2 blogg um fréttina

Bloggað um fréttina

• Heimssýn: Evrópa = Þýskaland ?
• Páll Vilhjálmsson: Evrópa eyðir, Þýskaland borgar