Landsbankareiturinn til sölu

Landsbankareiturinn svokallaður við Austurhöfn 2, er nú til sölu, en dótturfélag Arion banka, Landey, hefur óskað eftir tilboðum í reitinn. Gert er ráð fyrir að heildarstærð húsnæðis á lóðinni sé 15.500 fermetrar, þar af 14.500 fermetra skrifstofu- og atvinnuhúsnæði, en 1.000 fermetra kjallari. Gert er ráð fyrir að húsið verði 6 hæða og að neðsta hæðin verði notuð undir verslanir. 

Landey keypti lóðina í síðustu viku, en félagið hefur átt kauprétt að henni síðustu 4 árin að sögn Inga Guðmundssonar, framkvæmdastjóra félagsins. Samkvæmt fasteignaskrá er lóðamatið 164 milljónir, en gera má ráð fyrir að söluverðið sé töluvert hærra. 

Fleiri lóðir til sölu á næstunni

Landey mun á næstunni einnig bjóða til sölu lóðir sem félagið á á Bygggarðasvæðinu á Seltjarnarnesi. Þar er áætlað að reisa um 20 þúsund fermetra íbúðahúsnæði, en í dag er þar atvinnuhúsnæði. Verið er að klára að auglýsa deiliskipulagið, en Ingi segist vonast til að hægt verði að auglýsa lóðirnar núna strax í lok maí.

• 1 blogg um fréttina

Bloggað um fréttina

• Ómar Ragnarsson: Á þessu svæði ætti að finna víkingaskipi stað.