Jákvæð teikn á lofti í Grikklandi

Alþjóðagjaldeyrissjóðurinn segir að framfarir hafi átt sér stað í efnahagslífi Grikklands, en stjórnvöld landsins verði að gera meira til að koma í veg fyrir skattsvik.

AGS segir að frá 2010 hafi gengið einstaklega vel að draga úr halla á ríkissjóði Grikklands. Stóra vandamálið sé eftir sem áður umfangsmikil svik undan skatti.

AGS telur einnig að stjórnvöld í Aþenu mættu ganga harðar fram í því að fækka opinberum starfsmönnum. Í síðasta mánuði samþykkti gríska þingið að segja upp um 15.000 opinberum starfsmönnum. Stjórnvöld hafa hins vegar heitið því að fækka opinberum starfsmönnum um 150 þúsund á árunum 2010 til 2015. Það er um fimmtungur allra sem störfuðu hjá hinu opinbera.

• 2 blogg um fréttina

Bloggað um fréttina

• Tómas Ibsen Halldórsson: AGS beitir blekkingum
• Gunnar Heiðarsson: Hvernig má það vera?