Netvæðingu flugflota Icelandair seinkar

Í haust átti að leggja lokahönd á vinnu við að koma upp þráðlausu neti í flugflota Icelandair. Ennþá er aðeins eitt flugfélag hér á landi sem býður upp á nettengingu í háloftunum, að því er segir á vef Túrista.

Fram kemur, að Icelandair sé eitt þeirra flugfélaga sem vinni að því að koma upp þráðlausu neti um borð í vélum sínum. Samningur þess efnis hafi undirritaður í byrjun síðasta sumar og þá sögðu forsvarsmenn Icelandair að stefnt væri að því að vinnu við að netvæða flotann ætti að ljúka nú í haust.

Guðjón Arngrímsson, upplýsingafulltrúi Icelandair, sagði í svari til Túrista að undirbúningur verkefnisins, einkum ýmiskonar vottanir, hefðu tekið lengri tíma en ætlað var. Hlé var gert á innsetningu netbúnaðarins nú yfir hásumarið en vinnunni verður haldið áfram í haust. Í framhaldinu munu farþegar Icelandair geta notað eigin búnað til að tengjast internetinu um borð að sögn Guðjóns.

• 1 blogg um fréttina

Bloggað um fréttina

• Erlingur Alfreð Jónsson: #182. Flugdólgar í beinni!