Græddi 6 milljarða með einu tísti

Með einu tísti á twitter náði fjárfestirinn Carl Icahn að ýta við markaðsaðilum í Bandaríkjunum. Í kjölfar þess að hann keypti hlutabréf í Apple fyrir 180 milljarða sendi hann skilaboð á twitter um að hann og fyrirtæki hans teldu Apple ekki vera rétt verðlagt og að það ætti talsvert inni. Á einum degi hækkaði gengi Apple um rúmlega 3% og fór heildarmarkaðsvirði Apple upp um 17 milljarða dala. Þetta kemur fram í frétt breska miðilsins The Guardian.

Þrátt fyrir að Icahn eigi aðeins innan við 1% af hlutabréfum Apple taka menn eftir orðum hans, en í nokkra áratugi hefur hann stundað yfirtökur á mörgum stórum fyrirtækjum. Með hækkuninni fór verðmæti hlutar Icahns upp um 50 milljónir dala eða sem nemur 6 milljörðum  króna og má því segja að fjárfestingin byrji nokkuð vel hjá honum.

• 1 blogg um fréttina

Bloggað um fréttina

• Sigurður Haraldsson: Skapa auðæfi hamingju?