Óvíst hversu mikið Grikkir þurfa

Peningamálastjóri Evrópusambandsins, Olli Rehn, sagði við fjölmiðla í dag að ekki lægi fyrir hversu mikla fjárhagsaðstoð Grikkir kynnu að þurfa frá sambandinu til viðbótar við fyrri björgunarpakka.

Ýmsir forystumenn innan Evrópusambandsins hafa haldið því fram að undanförnu að slíkt yrði að öllum líkindum raunin og hefur verið rætt um 10 milljarða evra í því sambandi. Þar á meðal Wolfgang Schauble, fjármálaráðherra Þýskalands.

Haft er eftir Rehn á fréttavefnum Euobserver.com að of snemmt væri að nefna einhverja upphæð í því sambandi. Lagði hann áherslu á að fulltrúar Evrópusambandsins, Alþjóðagjaldeyrissjóðsins og Evrópska seðlabankans myndu leggja mat á þörf Grikkja fyrir frekari aðstoð.

• 1 blogg um fréttina

Bloggað um fréttina

• Páll Vilhjálmsson: Evrópa í viðjum ónýtra hugmynda