Afskriftir ekki í þágu þrotabúanna
Setja bókamerki
Slitastjórn Kaupþings mun ekki leggja það til við kröfuhafa bankans að þeir afskrifi krónueignir sínar að neinu leyti, eins og krafist hefur verið af stjórnvöldum svo hægt sé að aflétta gjaldeyrishöftunum. Þetta kemur fram í frétt Bloomberg fréttastofunnar.
Jóhannes Rúnar Jóhannsson, sem situr í slitastjórn Kaupþings, segir að slitastjórnin sé bundin af lögum um að reyna að hámarka virði eigna Kaupþings. Þess vegna sé það mjög erfitt eða ómögulegt að sjá að slitastjórnin geti lagt slíkt til ef hún á að fara eftir þeim lögum sem nefndin starfar eftir.
Erlendir kröfuhafar eiga um 8 milljarða Bandaríkjadala, 970 milljarða króna, fasta í krónueignum en stjórnvöld reyna nú að leita leiða hvernig hægt verði að aflétta gjaldeyrishöftunum án þess að til áhlaups komi á gjaldeyrismarkaði.
Samkvæmt frétt Bloomberg hefur Sigmundur Davíð Gunnlaugsson, forsætisráðherra, sagt að hann vilji afskrifa 3,8 milljarða Bandaríkjadala, rúma 460 milljarða króna, af kröfum kröfuhafa viðskiptabankanna þriggja, Glitnis, Kaupþings og Landsbankans, svo hægt verði að draga úr gjaldeyrishöftunum.
Samfylking og Viðreisn gáfu loforð
Lyklaskipti í ráðuneytunum
Var engin kristnitaka árið 1000?
Fyrsti blaðamannafundurinn í heild sinni
Hrikalegt að heyra fréttirnar
Skattamál verði líklega „þeirra mesta klemma“
Þetta eru ráðherrar ríkisstjórnarinnar
