Félag Vefpressunnar í þrot

Verksmiðjan Norðurpóllinn ehf., sem var félag í eigu Vefpressunnar og var áður skráður eigandi bleikt.is var tekið til gjaldþrotaskipta í mars á þessu ári. Skiptum á búinu er nú lokið og voru lýstar kröfur í búið 5,4 milljónir. Engar eignir fundust í búinu.

Í ársreikningi fyrir árið 2011 kemur fram að eigið fé félagsins hafi verið neikvætt um 30 milljónir. Engu að síður var félagið metið á 20 milljónir í bókum Vefpressunnar, sem var 100% eigandi félagsins. Tap ársins 2011 var rúmlega 20 milljónir, en ársreikningi fyrir árið 2012 var ekki skilað. Samkvæmt upplýsingum frá Fjölmiðlanefnd var Verksmiðjan Norðurpóllinn 0,8% eigandi í Vefpressunni, en félagið á og rekur miðlana Pressan.is og Eyjan.is

• 1 blogg um fréttina

Bloggað um fréttina

• Heimir Lárusson Fjeldsted: Dýrir á fóðrum