Mesti hagvöxtur í þrjú ár

Hagvöxtur í Bretlandi á þriðja ársfjórðungi mældist 0,8% sem er mest hagvöxtur þar í landi í þrjú ár. Forystumenn ríkisstjórnarinnar segja tölurnar sýna að efnahagsstefna ríkisstjórnarinnar sé að skila árangri.

Hagvöxtur á öðrum ársfjórðungi var 0,7%. Þessar nýju tölur benda til að hægur en stöðugur vöxtur sé í efnahagslífi Bretlands. Hagvöxtinn má ekki síst þakka 2,5% aukningu í fjárfestingu.

George Osborne fjármálaráðherra segir að þessar tölur sýni að sú mikla vinna sem hafi verið í gangi sé að skila árangri og að landið sé leið til hagsældar.

Nick Clegg, aðstoðarforsætisráðherra, tekur undir þetta og segir greinilegt að staða efnahagsmála sé að batna.

• 1 blogg um fréttina

Bloggað um fréttina

• Páll Vilhjálmsson: Gjaldmiðlar, hagsæld og þráhyggja Þorsteins P.