Evran lifir ekki af án eins ríkis

Til lengri tíma litið getur evran ekki lifað af nema ríki Evrópusambandsins sammælist um að stofna eitt sameiginlegt ríki. Þetta er haft eftir Alan Greenspan, fyrrverandi seðlabankastjóra Bandaríkjanna, í frétt AFP og vísað í viðtal sem birt er í dag í þýska vikublaðinu Welt am Sonntag.

„Ég get ekki ímyndað mér að sameiginleg efnahags- og peningastefna 17 ríkja með 17 mismunandi félagsleg kerfi geti gengið upp til lengri tíma,“ er haft eftir Greenspan þar sem hann vísar til ríkjanna sem mynda evrusvæðið. Eina leiðin til að bjarga evrunni sé að eitt ríki verði sett á laggirnar. „Evrusvæðið þarf fullan pólitískan samruna með þátttöku annað hvort allra ríkjanna eða kjarnaríkja. Það er eina leiðin til þess hindra það að svæðið liðist í sundur.“

Spurður hvort efnahagskrísa eins og sú sem skall á heimsbyggðinni árið 2008 gæti átt sér stað á ný svarar Greenspan: „Algerlega. Ekki spurning.“ Hann var seðlabankastjóri Bandaríkjanna á árunum 1987-2006.

• 5 blogg um fréttina

Bloggað um fréttina

• Páll Vilhjálmsson: Einn gjaldmiðill, eitt ríki - en enginn foringi
• Heimssýn: Greenspan segir evruna ekki geta lifað af án sameiningar evruríkja
• Guðjón Sigþór Jensson: Evran lifir
• Ómar Bjarki Kristjánsson: Höfundur efnahagskrísunnar í BNA gefur ráð.
• Jóhann Elíasson: EINA SEM GETUR BJARGAÐ EVRUNNI ER AÐ DRAUMURINN UM "ÞÚSUND …