Ábyrgjast fjórfalt hærra verð á rafmagni

Nýlega gáfu stjórnvöld á Bretlandi út verð sem þau eru tilbúin að ábyrgjast fyrir ákveðna orkuframleiðslu og sölu til Bretlands í formi endurnýjanlegrar orku. Þetta er meðal annars gert til að tryggja orkuöryggi í landinu til næstu áratuga. Þetta er um fjórfalt hærra verð en verðlistaverð Landsvirkjunar er í dag og fimmfalt hærra verð en meðalverð til viðskiptavina er í dag.

Í dag er raforkuverð í Bretlandi um 80 dollarar á megavattsstund (MWst), en með þessum nýju lögum ætlar stjórnin að ábyrgjast kaup á vatnsaflsorku fyrir 150 dollara og á vindorku allt upp í 215 dollara. Landsvirkjun er á sama tíma að bjóða fyrirtækjum sem koma hingað til lands og ætla að nýta orkuna í iðnaði að kaupa hverja MWst á 43 dollara. Þá er meðalverð til viðskiptavina aðeins um 27,5 dollarar. 

Á haustfundi Landsvirkjunar sagði Hörður Árnason, forstjóri fyrirtækisins, frá þessu og benti á að þetta væru mun hærri tölur en Hagfræðistofnun notaði þegar reiknað var út margmilljarða hag af því að leggja sæstreng og selja orkuna til Bretlands. 

• 1 blogg um fréttina

Bloggað um fréttina

• Torfi Kristján Stefánsson: 4-falt til 5-falt hærra verð þá hér á landi einnig!