Vill hætta notkun á reiðufé

Norðmaðurinn Kjetil Staalesen, ráðgjafi hjá Samtökum fjármálamarkaðarins í Noregi, segir að stefna eigi að því að leggja niður seðla og mynt og telur hann að Noregur geti orðið reiðufjárlaust land árið 2021. Segir hann meðal annars að reiðufé hvetji til glæpa og rána og styðji undir svarta hagkerfið og skattsvik. Staalesen verður meðal fyrirlesara á ráðstefnu Landsbankans á morgun í Hörpu, en yfirskrift fundarins er hvort reiðufé muni hverfa í framtíðinni.

Meðal þess sem Staalesen hefur lagt til er að stærsti seðillinn verði fjarlægður, að gjald sé lagt á notkun reiðufjár sem endurspegli raunkostnað við notkun, meira sé lagt í rannsóknir og þróun á öðrum greiðslumiðlum og að verslunum sé heimilt að hafna reiðufé og taka aðeins við kortum. 

Kjetil Staalesen, ráðgjafi hjá Samtökum fjármálamarkaðarins í Noregi, er væntanlega ekki hlynntur því að gefinn hafi verið út nýr 10.000 seðill hér á landi nýlega. Kristinn Ingvarsson

• 3 blogg um fréttina

Bloggað um fréttina

• Hörður Þórðarson: Endalok frelsis
• Magnús Sigurðsson: Hvað með Nígeríu svindlarana?
• Baldvin Björgvinsson: Já einmitt, en nei takk og hér eru rökin fyrir …