Fjármála- og efnahagsráðuneytið hefur tilkynnt Má Guðmundssyni, seðlabankastjóra að embættið verði auglýst laust til umsóknar á næstunni. Í tilkynningu frá ráðuneytinu kemur fram að það sé „gert til að gefa stjórnvöldum aukið svigrúm í tengslum við mögulegar breytingar á lögum um Seðlabankann“.

Á ríkisstjórnarfundi í morgun var minnisblað um endurskoðun á lögum um Seðlabanka Íslands kynnt. Þar er meðal annars sagt að skipaður verði starfshópur til að leggja mat á æskilegar breytingar á starfsemi Seðlabanka Íslands og þeirri lagalegu umgjörð sem um starfsemina gildir. Starfshópurinn mun leggja til breytingar á lögum um Seðlabankann sem miða að því að því að bæta möguleika hans til að sinna efnahagsstjórn þjóðarinnar.

Samkvæmt heimildum mbl.is telur fjármála- og efnahagsráðuneytið mikilvægt að starfshópurinn skoði hvort ástæða sé til að gera breytingar á skipulagi fjármálamarkaðs og Fjármálaeftirlitsins með það að leiðarljósi að skýra verkaskiptingu milli Fjármálaeftirlits og  Seðlabanka. Í ljósi fjölgunar viðfangsefna á ábyrgðasviði bankans, svo sem gjaldeyrishafta, gjaldeyriseftirlit og eignarsafn bankans, þá þurfi að tryggja að öll umgjörð bankans styðji við markmið um verðstöðugleika og aðra kjarnastarfsemi bankans.

Tengdar fréttir

Seðlabankinn

Tvennt skekkir samanburðinn

• Vextir lækki í fyrsta lagi um mitt árið
• Mælir gegn frekari stýrivaxtahækkun
• Ásgeir Jónsson: Var ekki að vísa í tveggja manna tal
• Ríkissáttasemjari hringdi ítrekað í seðlabankastjóra

» Fleiri tengdar fréttir

• 2 blogg um fréttina

Bloggað um fréttina

• Kristbjörn Árnason: Uppþvotturinn
• Ómar Ragnarsson: Nýtt hugtak: "Að taka Sigmund á hann".