Konur skipa meirihluta stjórnar

Eftir aðalfund Arion banka í dag skipa konur meirihluta stjórnar bankans, eru fjórar af sjö stjórnarmönnum. Kirstín Þ. Flygenring, sem er fulltrúi Bankasýslu ríkisins, er ný í stjórninni en hún kemur í stað Agnars Kofoed-Hansen, að því er segir í tilkynningu frá bankanum.

Á fundinum voru eftirfarandi kjörnir í stjórn bankans: Benedikt Olgeirsson, Björgvin Skúli Sigurðsson, Guðrún Johnsen, Kirstín Þ. Flygenring, Måns Höglund, Monica Caneman og Þóra Hallgrímsdóttir. Fyrir utan Kirstínu eru stjórnarmennirnir tilnefndir af Kaupskilum, dótturfélagi Kaupþings banka. 

Af þremur varamönnum í stjórn eru tvær konur, en varamenn í stjórn bankans voru kjörnir Björg Arnardóttir, Sigurlaug Ásta Jónsdóttir og Ólafur Örn Svansson. 

• 1 blogg um fréttina

Bloggað um fréttina

• Júlíus Már Baldursson: Auka hlut kvenna í stjórnum.