Sjóvá hyggst taka upp kaupaukakerfi

Tryggingafélagið Sjóvá hyggst taka upp árangurstengt kaupaukakerfi fyrir starfsmenn sína en tillaga þess efnis verður lögð fyrir aðalfund félagsins 29. apríl næstkomandi. Í tilkynningu félagsins til Kauphallarinnar segir að stefnan miði að því að félagið sé ávallt samkeppnishæft og geti ráðið til sín framúrskarandi starfsfólk. 

Þar segir jafnframt að kerfið skuli vera í samræmi við reglur Fjármálaeftirlitsins um slík kerfi hjá fjármálafyrirtækjum.

Í frétt á vef Viðskiptablaðsins segir að á ársgrundvelli megi kaupauki starfsmanns ekki nema hærri fjárhæð en 25% af árslaunum viðkomandi án kaupauka. Þá skuli enn fremur fresta greiðslu hluta af kaupauka um að lágmarki þrjú ár, þannig að unnt sé að taka tillit til sveiflna í viðskiptalífinu og hagkerfinu sem geta haft áhrif á árangur.

Fyrsti viðskiptadagur með bréf í Sjóva í Kauphöllinni verður á morgun, föstudag.

• 3 blogg um fréttina

Bloggað um fréttina

• Ólafur Ragnarsson: "Það væri gaman að fá að vita fyrir hvað"
• Haraldur Haraldsson: Sjóvá hyggst taka upp kaupaukakerfi:Finnst ykkur þetta í lagi að …
• Jón Snæbjörnsson: .. þetta leggst illa í mig ...