15% hækkun á bréfum Sjóvár

Fyrsti viðskiptadagur með hlutabréf í tryggingafélaginu Sjóvá var í dag en verðhækkun bréfanna frá því í hlutafjárútboðinu í seinustu viku var allt að 15%. Velta með bréf félagsins nam rúmum 254 milljónum króna en fjöldi viðskipta var 297, samkvæmt upplýsingum frá Kauphöllinni.

Kaupgengi bréfa þegar markaðir lokuðu í dag var 13,70 en í tilboðshluta A var það 11,9. Í þeim hluta var hægt að kaupa hlutabréf á verðbilinu 100 þúsund krónur til tíu milljónir og nemur verðhækkunin 15,1%.

Í tilboðsbók B keyptu fjárfestar bréf á genginu 13,51 og nam verðhækkunin því aðeins um 1,4%.

Frétt mbl.is: Sjóvá skráð í Kauphöllina

Frétt mbl.is: Stærstu hluthafar Sjóvár

Hermann Björnsson, forstjóri Sjóvá og Páll Harðarson, forstjóri Kauphallarinnar, í morgun. mbl.is/Golli

• 1 blogg um fréttina

Bloggað um fréttina

• Jónatan Karlsson: Money Heaven