Ekki lengur í kreppu vegna vændis

Ítalía er ekki lengur statt í fjármálakreppu - þökk sé svarta markaðnum. Með breyttri reikniaðferð Evrópusambandsins við þjóðhagsreikninga, þar sem tekið er tillit til ólöglegrar starfsemi á borð við áfengissölu á svörtum markaði, eiturlyfja og vændis, kom í ljós að hagvöxtur stóð í 0 prósentum á síðasta ársfjórðungi í stað þess að vera neikvæður um 0,1 prósent líkt og áður hafði verið talið.

Samkvæmt hinum nýju útreikningum var hagvöxturinn neikvæður um 0,2 prósent á öðrum ársfjórðungi en hagvöxtur þarf hins vegar að vera neikvæður tvo ársfjórðunga í röð til þess að fjármálakreppa teljist vera í landinu. Þá er einnig talið að svarta starfsemin muni hafa jákvæð áhrif á skuldahlutfall ríkissjóðs Ítalíu sem núna stendur í 132 prósentum en það er um tvöfalt hærra en ætlað þak Evrópusambandsins sem er 60 prósent.

Með reikniaðferðinni sem kallast SEC 2010 á að vera unnt að gera samanburð á þjóðhagsreikningum mismunanda landa með nákvæmari hætti þar sem ekki er tekið tillit til þess hvort tiltekin starfsemi hafi verið lögleidd eða ekki. 

• 2 blogg um fréttina

Bloggað um fréttina

• Ásgrímur Hartmannsson: Bjargar græna hagkerfið okkur?
• Gunnlaugur I.: Ítalska Mafían bjargar EUROSTAT og efnahag Ítalíu fyrir horn.