Ójöfnuðurinn sá mesti í öld
Setja bókamerki
Seðlabankastjóri Bandaríkjanna, Janet Yellen, segist hafa miklar áhyggjur af sífellt stækkandi bili milli ríkra og fátækra í Bandaríkjunum. Hún segir að ójöfnuðurinn sem nú ríki í landinu sá mesti í tæpa öld.
Þetta kom fram í máli Yellen á ráðstefnu í Boston í morgun en að hennar sögn hefur ójöfnuðurinn aukist eftir að kreppan skall á. Hún minntist ekki á peningastefnu Seðlabanka Bandaríkjanna í ræðu sinni né heldur þann óstöðugleika sem nú ríkir á fjármálamörkuðum.
Hún segir að hlé hafi komið á stækkun bilsins milli ríkra og fátækra árið 2008 þegar þeir ríku töpuðu fé í efnahagskreppunni en hléið hafi verið stutt. Því um leið og hlutabréfamarkaðir fóru að rétta úr kútnum, meðal annars með stuðningi ríkisins, hafi þeir ríku auðgast sem aldrei fyrr.
Yellen talaði um að illa gengi að bæta stöðuna á atvinnumarkaði, laun hefðu ekki hækkað á nýjan leik hjá almenningi en fasteignaverð hefði hins vegar hækkað.
Rannsókn á menningarnæturmáli lokið
Fundur hafinn hjá kennurum, ríki og sveitarfélögum
Unnið að hraunkælingu allan sólarhringinn
„Við vöknuðum við hljóð frá sprengingum“
Börnin eiga að ýta við foreldrum sínum
Falskur fyrirvari á auglýsingum Höllu
Heimildarmenn tala um hápólitískt drama