Morgan Stanley: Olíuverð mun lækka

Fjárfestingabankinn hefur gefið út spá sína fyrir þróun olíuverðs í heiminum á komandi árum. Spáir bankinn því að botninum sé ekki náð, þrátt fyrir mikla lækkun á undanförnum mánuðum. Lægst muni verðið verða 57 dollarar á tunnuna einhvern tímann á öðrum ársfjórðungi næsta árs. 

Margir hafa verið órólegir vegna lækkandi heimsmarkaðsverðs á olíu á undanförnum mánuðum, sérstaklega eftir að OPEC-löndin ákváðu nú í lok nóvember að minnka ekki framleiðslu sína, þvert á spár margra. Er olíuverðið núna í kringum 67 dollara á tunnuna og hefur ekki verið lægra í fimm ár. 

Þróunin samkvæmt spám Morgans Stanleys verður á þessa leið:

• 1. ársfjórðungur 2015 - 69 dollarar
• 2. ársfjórðungur 2015 - 57 dollarar
• 3. ársfjórðungur 2015 - 71 dollarar
• 4. ársfjórðungur 2015 - 82 dollarar
• 2016 - 88 dollarar
• 2017  - 100 dollarar
• 2018 - 92 dollarar

Sjá frétt Dagens Næringsliv

• 1 blogg um fréttina

Bloggað um fréttina

• Ómar Ragnarsson: Stórlækkun olíuverðs er aðalmálið. Dæmið um ráðskonuna.