Framleiðsla á mann 15% yfir meðaltali ESB

Magn vergrar landsframleiðslu á mann á Íslandi árið 2011 var 15% yfir meðaltali Evrópusambandsríkjanna, sem eru 28.

Ísland var í 12. sæti yfir verga landsframleiðslu á mann sama ár í samanburði 37 Evrópuríkja, þ.e. Evrópusambandsríkjanna auk Íslands, Noregs, Sviss, Tyrklands, Svartfjallalands, Serbíu, Bosníu-Hersegóvínu, Albaníu og Makedóníu.

Þá var magn einstaklingsbundinnar neyslu á mann á Íslandi 13% yfir meðaltali ESB-ríkja og var Ísland 10.-11. í röð landanna 37 ásamt Finnlandi. Lúxemborg var í fyrsta sæti.