Metatvinnuleysi í Frakklandi

Tæplega 3,5 milljónir manna eru án atvinnu í Frakklandi samkvæmt opinberum tölum sem birtar voru í gær en þær miðast við nóvember. Miðað er við þá sem þiggja atvinnuleysisbætur.

Fram kemur í frétt AFP að atvinnulausum hafi fjölgað um 27.400 manns frá október eða um 0,8%. Sé miðað við nóvember í fyrra hefur atvinnuleysið aukist um 5,8%. Atvinnuleysi í landinu hefur ekki mælst jafn hátt áður segir í fréttinni.

Minna atvinnuleysi hefur verið eitt af helstu stefnumálum Francois Hollande, forseta Frakklands, en þrátt fyrir að kjörtímabil hans sé rúmlega hálfnað hefur það ekki tekist. Fram kemur í fréttinni að forsenda þess að atvinnuleysi minnki sé hagvöxtur upp á 1,5% í það minnsta en vöxtur í frönsku efnahagslífi sé hins vegar varla merkjanlegur.

• 3 blogg um fréttina

Bloggað um fréttina

• G. Tómas Gunnarsson: Frakkland í feni atvinnuleysis og efnahagslega á eftir Bretlandi
• sleggjuhvellur: Skrumarinn hrakti atvinnu í burt
• Heimssýn: Með upptöku evrunnar fór verulega að halla undan fæti fyrir …