Enn tækifæri í Rússlandi

Vægi  íslenskra fiskafurða hefur aukist töluvert eftir að viðskiptaþvinganir Bandaríkjanna og Evrópusambandsins voru hertar og margir hefðbundnir markaðir hafi lokast fyrir Rússum.

Þetta segir Alexandra Timofeeva, innkaupastjóri Russian Fish, sem flutti erindi á Markaðsdegi Iceland Seafood í Iðnó í gær, sem um er fjallað í Morgunblaðinu í dag.

„Noregur og Bretland eru meðal þeirra þjóða sem selja okkur ekki lengur fisk vegna viðskiptaþvingana og því treystum við enn frekar á innflutning frá Íslandi, en einnig Færeyjum.“ Hlutfall íslenskra sjávarafurða hefur því aukist töluvert á sama tíma og markaðurinn hefur minnkað í Rússlandi sökum minni innflutnings.