Samkeppniseftirlitið hefur áhyggjur af fasteignafélögum

„Sú staða getur verið uppi að sami lífeyrissjóður eða lífeyrissjóðahópur sé eigandi að fleiri en einum keppinauti og sé þar með að keppa við sjálfan sig. Það er mjög óheppilegt.“

Þetta segir Páll Gunnar Pálsson, forstjóri Samkeppniseftirlitsins, í Morgunblaðinu í dag spurður út í umsvif íslenskra lífeyrissjóða á fasteignamarkaði.

Sjóðirnir eru meðal stærstu eigenda þriggja umsvifamestu fasteignafélaga landsins og þá hafa þeir einnig tekið þátt í fjármögnun fjárfestingasjóða sem einbeita sér að kaupum á fasteignum og félögum sem reka bæði atvinnu- og íbúðarhúsnæði.