Breytingar hafa verið gerðar á undanþágulistum Seðlabanka Íslands vegna fjármagnshaftanna sem birtir eru á vefsíðu bankans á grundvelli reglna og laga um gjaldeyrismál. Listanir takmarkast nú við ríkisvíxla og eitt ríkisskuldabréf, þ.e. RIKB 15 0408. Þar með fækkar flokkum fjármálagerninga á undanþágulista segir í fréttatilkynningu frá Seðlabankanum.

„Fjármagnshreyfingar á milli landa, vegna viðskipta með þá flokka fjármálagerninga sem tilgreindir eru á núgildandi lista, eru því enn undanþegnar takmörkunum laga um gjaldeyrismál að uppfylltum þeim skilyrðum sem nánar greinir í 2. og 3. gr. reglna um gjaldeyrismál. Seðlabankinn áskilur sér rétt til að endurskoða gildandi undanþágulista í ljósi aðstæðna hverju sinni,“ segir ennfremur í tilkynningunni.

Þá hefur reglum Seðlabankans um gjaldeyrismál verið breytt samhliða breytingu á undanþágulistunum. Eigendum þeirra flokka skuldabréfa sem ekki njóta lengur undanþágu er heimilt að selja fjármálagerninga sína. Á hinn bóginn verður ekki heimilt að fjárfesta í öðrum flokkum en þeim sem njóta undanþágu samkvæmt ákvörðun bankans. Þá segir að krónueignir, sem gjarnan sé víað til sem aflandskróna og bundnar séu af höftunum, nemi um þessar mundir tæplega 15% af landsframleiðslu.

„Tilgangur með ofangreindum breytingum er að búa í haginn fyrir frekari skref að losun fjármagnshafta. Þau felast m.a. í því að eigendum þessara krónueigna verða boðnir fjárfestingakostir sem draga verulega úr líkum á óstöðugleika við losun fjármagnshafta. Tímasetning þeirra breytinga á undanþágulistum sem nú eru kynntar miðar m.a. að því að varðveita skilvirkni skuldabréfamarkaða.“

Tengdar fréttir

Gjaldeyrishöft

Að útdeila réttlæti ekki hlutverk SÍ

• Coldrock fær ekki álit EFTA
• Keypti aflandskrónur fyrir 112,4 milljarða
• Engin útistandandi málarekstur
• Kaupa krónur fyrir evrur

» Fleiri tengdar fréttir

• 1 blogg um fréttina

Bloggað um fréttina

• Guðmundur Ásgeirsson: Auglýst eftir eiganda RIKB 15 0408