Olíutunnan niður fyrir 44 dali

Verð  á hráolíu hefur ekki verið jafn lágt í New York í sex ár en tunnan er nú seld á tæpa 44 Bandaríkjadali á markaði. Lágt olíuverð vestanhafs skýrist einkum af nægum birgðum og háu gengi Bandaríkjadals.

Um tíma í morgun fór  West Texas Intermediate (WTI) til afhendingar í apríl niður í 43,57 Bandaríkjadali tunnan og er það lægsta verð sem fengist hefur fyrir hráolíu í Bandaríkjunum síðan 12. mars 2009. Tunnan kostar nú um 44 dali. 

Verð á Brent Norðursjávarolíu hefur einnig lækkað í dag og er nú seld á 53,38 Bandaríkjadali tunnan í Lundúnum.

• 1 blogg um fréttina

Bloggað um fréttina

• Torfi Kristján Stefánsson: Samt hækkar bensínverðið hér!