Stígandi í verðbólgu

Greiningardeild Íslandsbanka gerir ráð fyrir því að verðbólga muni mælast 1,4% í þessum mánuði í stað 1,6% eins og hún mældist í marsmánuði. Spáin gerir ráð fyrir betri horfum hvað verðbólguþróun varðar en þó segir í henni að nú sé gert ráð fyrir meiri hækkun íbúðaverðs á komandi mánuðum en hingað til hafi verið spáð. Á sama tíma gerir spáin ráð fyrir því að húsnæðisverð hækki lítið sem ekkert í komandi mælingu og að 0,06% hækkun húsnæðis muni aðeins hafa 0,02% áhrif á vísitölu neysluverðs.

Íslandsbanki gerir ráð fyrir því í spá sinni að verðbólga muni haldast í kringum 1,5% fram á mitt ár en að eftir það muni hún fara heldur hækkandi og að í árslok verði hún við verðbólgumarkmið Seðlabankans í 2,5%. Þá gerir langtímaspáin ráð fyrir því að ári síðar, þ.e. við árslok 2016, verði verðbólgan komin í 2,8%. Það sem helst mun drífa verðbólguna að mati bankans er hækkun launa og áframhaldandi verðhækkun íbúðarhúsnæðis.

• 1 blogg um fréttina

Bloggað um fréttina

• Haraldur Haraldsson: Stígandi í verðbólgu!!!Þetta sýnir okkur að við verðum að taka …