Vaxandi líkur á stýrivaxtahækkun

Við spáum að peningastefnunefnd Seðlabankans kjósi að halda stýrivöxtum óbreyttum að sinni á næsta vaxtaákvörðunarfundi þann 13. maí. Þá fara líkur á stýrivaxtahækkun í haust vaxandi.

„Óvissa vegna yfirstandandi kjarasamninga verður nefndarmönnum án efa ofarlega í huga á komandi fundi og ólíklegt að farið verði að hrófla við vaxtastiginu í miðjum kjaraviðræðum.“

Þetta segir í Markaðspunktum Greiningardeildar Arion banka. Þar segir að febrúarspá Peningamála hafi líklega falið í sér vanmat á verðbólgu framundan frekar en ofmat þar sem húsnæðisverð hefur hækkað umtalsvert síðustu mánuði og sömuleiðis hefur bensínverð hækkað og því eru litlar líkur á frekari verðbólguhjöðnun.

Þá hefur peningastefnunefndin lagt áherslu á að verðbólguvæntingar nái traustri kjölfestu en hækkun verðbólguálags á markaði bendir til að sú kjölfesta sé ekki til staðar, þótt vissulega megi rekja hækkun verðbólguálags að einhverjum hluta til aukins áhættuálags á markaði.

„ Öll rök hníga þannig að því að halda stýrivöxtum óbreyttum í bili en ef kjarasamningar fela í sér launahækkanir umfram það sem verðbólgumarkmið Seðlabankans leyfir er ljóst að stýrivaxtahækkana er að vænta með haustinu.“

• 1 blogg um fréttina

Bloggað um fréttina

• Ægir Óskar Hallgrímsson: Seðlabankinn vinnur með kröfuhöfum...