Götuveitingastaðir týna tölunni

Ódýrir, fljótlegir og án óþarfa skrauts. Götuveitingastaðir í Hong Kong hafa þjónað viðskiptavinum sínum í áratugi. Þar er hægt að fá nánast allt milli himins og jarðar. 

En veitingabásarnir eiga nú undir högg að sækja. Í kjölfar síðari heimsstyrjaldarinnar spruttu þeir upp eins og gorkúlur. Í dag eru þeir aðeins um 30 í borg sem telur um 7 milljónir íbúa. 

Maturinn er matreiddur með einföldum hætti undir berum himni. Viðskiptavinir sitja undir berum  himni sem er mjög fágætt í borginni þar sem flestir veitingastaðir bjóða aðeins upp á borðstofur í loftkældum húsum.

Unga fólkinu finnst staðirnir gamaldags og velja frekar nýtískulegri skyndibitastaði. Þeir sem eldri eru óttast að bráðum verði þessi geiri veitingabransans allur.

• 1 blogg um fréttina

Bloggað um fréttina

• sleggjuhvellur: Strangheiðarlegt á undanhaldi