Um nýliðin mánaðarmót var auglýsing fyrir kortafyrirtækið American Express tekin upp á Apótek Restaurant. Um eitt hundrað manns komu að upptökunum en auglýsingin var mynduð að nóttu til. Gert er ráð fyrir að auglýsingin verði eingöngu sýnd erlendis.
Veitingageirinn greinir frá þessu. Þar segir að auglýsingin verði væntanlega góð auglýsing fyrir hótelið og veitingastaðinn og vísað er til eldri auglýsingar kortafyrirtækisins sem tekin var upp á einum stað Il Mulino veitingahúsakeðjunnar.
Líkt og mbl greindi frá fyrr í sumar rataði Apótek Restaurant inn á lista Buzzfeed yfir þá sautján staði á Norðurlöndunum sem framreiða glæsilegasta skandinavíska mat sem völ er á.
Apótek var opnaður í desember sl. og er til húsa í Austurstræti 16, þar sem Reykjavíkurapótek var áður.
<iframe allowfullscreen="" frameborder="0" height="315" src="https://www.youtube.com/embed/y-MUb99kM8E" width="560"></iframe><div id="embedded-remove"> </div>