Fyrstu mættu í röðina í nótt
Setja bókamerki
Um fjörtíu til fimmtíu manna röð hafði myndast þegar nýtt kaffihús Dunkin' Donuts í Kringlunni var opnað í morgun. Fyrstu tveir gestirnir voru mættir í nótt að sögn öryggisvarða sem hleyptu þeim inn. Staðurinn var opnaður klukkan 10.
Fyrstu tuttugu gestirnir fengu afhent árskort sem færir handhafa kassa með sex kleinuhringjum í hverri viku í heilt ár. Nokkuð hafði gengið á röðina þegar mbl náði tali af Árna Pétri Jónssyni, forstjóra 10-11 og Iceland, eiganda Dunkin' á Íslandi, um hálftíma eftir opnun. Þá stóðu átján manns enn í röð og Árni sagðist virkilega ánægður með áhugann.
Þegar Dunkin' Donuts var opnaður á Laugavegi í lok sumars biðu margir næturlangt fyrir utan og var iðulega löng röð á fyrstu dögum eftir opnun. Þá voru einnig þrír leikarar í Dunkin' Donuts búningum að skemmta gestum. Íburðurinn var heldur minni í þetta skiptið þar sem aðeins einn leikari í kleinuhringjabúning var á svæðinu auk þess sem röðin var styttri. Árni segir opnunina vera annars eðlis og segir að meira verði um að vera seinni partinn.
Árni kveðst mjög ánægður með nýja staðinn og segir staðsetninguna heppilega í opnu flæði en staðurinn er á Blómatorginu svokallaða, fyrir utan verslun Lyfju. Pláss er fyrir þrjátíu manns í sæti.
Aðspurður um næstu opnun segir hann að stefnt sé að því að opna nýjan stað fyrir áramót. Sá verður væntanlega í verslun 10-11 eða á Skeljungi og mögulega fyrir utan Reykjavík. Staðirnir eiga að verða orðnir sextán eftir fimm ár.
Þegar Dunkin' á Laugaveginum var opnaður í sumar varð kassamerkið #röðin gríðarlega vinsælt á Twitter. Heldur minna virðist fara fyrir því í þetta skiptið.
Frétt mbl.is: #röðin vakti mikla lukku
17 ára barn lést í brunanum
Víðir verði oddviti Samfylkingar í Suðurkjördæmi
„Ég er ekki að flýja Sjálfstæðisflokkinn“
Sigríður Andersen til Miðflokksins
Múslimaklerkurinn Gulen er látinn
Túlkar sorgina með svipbrigðum