Einkaleyfi á nýrri 2 hæða flugvél

Franskt fyrirtæki sótti nýverið um einkaleyfi á nýrri tveggja hæða flugvél. Í stað farangursgeymslu í botni flugvélarinnar er þar gluggalaust farþegarými.

Það er fyrirtækið Zodiac Aerospace sem á hugmyndina. Hugsunin er að nýta hönnunina fyrir lággjaldaflugfélög þar sem farþegar eru ekki með mikinn farangur. Í stað farangurrýmis verða farangurhólf meðfram hliðum vélarinnar.

Þá er einnig gert ráð fyrir innbyggðum sjálfsölum þar sem farþegar geta sjálfir sótt sér mat og drykk. Engir gluggar eru í neðra farrýminu en þar verður stór skjár sem sýnir umhverfið að utan í gegnum myndavélar á skrokki vélarinnar.

Um 110 farþegar eiga að komast fyri í þessu nýja rými og á hvorum enda þess verða stigar á efri hæð. 

Í umsókn Zodiac segir að rannsóknir sýni að einungis 37 prósent nýting sé á farangursrýmum að meðaltali.

Frétt Business Insider

Vélin er á tveimur hæðum. Mynd/Zodiac Aerospace

• 1 blogg um fréttina

Bloggað um fréttina

• Ómar Ragnarsson: Bumban (jumbo) er í raun 3ja hæða.