Flugmiðinn hækkaði um 16,9%
Setja bókamerki
Verðbólga mæld á tólf mánaða tímabili er 2% á Íslandi og því enn undir verðbólgumarkmiði Seðlabanka Íslands sem er 2,5%. Verðbólgan er því það sama og í síðasta mánuði en hún hefur ekki náð upp í verðbólgumarkmið Seðlabankans það sem af er ári.
Vísitala neysluverðs miðuð við verðlag í desember 2015 hækkaði um 0,33% frá fyrri mánuði. Vísitala neysluverðs án húsnæðis hækkaði um 0,28% frá nóvember.
Flugfargjöld til útlanda hækkuðu um 16,9% (áhrif á vísitöluna 0,19%) og kostnaður vegna húsnæðis, hita og rafmagns hækkaði um 0,4% (0,12%).
Síðastliðna tólf mánuði hefur vísitala neysluverðs hækkað um 2,0% og vísitalan án húsnæðis hefur hækkað um 0,4%.
Meðalvísitala neysluverðs árið 2015 er 1,6% hærri en meðalvísitala ársins 2014. Samsvarandi breyting var 2,0% árið 2014 og 3,9% 2013.
Meðalvísitala neysluverðs án húsnæðis árið 2015 er 0,1% hærri en meðalvísitala ársins 2014. Samsvarandi breyting var 0,8% árið 2014 og 3,8% 2013, samkvæmt Hagstofu Íslands.
„Sá vegur er bæði háll og myrkur“
Dæla, kæla og verja mikilvæg mannvirki
„Við höldum áfram þangað til við erum búin“
Auka aðgengi að Grindavík
Þurfa að fjölga um 100 legurými
Viðtöl við oddvitana í Suðurkjördæmi
Þrír menn ruddust inn í íbúð í Vesturbænum