Mannabreytingar í Kastljósi

Brynja Þorgeirsdóttir, ritstjóri Menningarinnar í Kastljósi, mun hætta störfum í byrjun næsta árs og Bergsteinn Sigurðsson, sem hefur verið einn umsjónarmanna Síðdegisútvarps Rásar 2, mun taka við hlutverkinu.

Þetta kemur fram í frétt Kjarnans þar sem jafnframt segir að Brynja ætli að einbeita sér að gerð nýrrar þáttaraðar af Orðbragði auk þess sem hún mun sinna annarri þáttargerð.

Guðmundur Pálsson, Baggalútur og dagskrárgerðarmaður, mun taka við starfi Bergsteins í Síðdegisútvarpinu og stýra því ásamt Björgu Magnúsdóttur og Atla Má Steinarssyni á komandi ári.

• 1 blogg um fréttina

Bloggað um fréttina

• Jóhannes Ragnarsson: Áróðurstæki vinstríslamista og anarkókommúnista berar kvennhatur sitt