Annar rauður dagur í Kauphöllinni

Enn frekari lækkanir voru í Kauphöllinni í dag. Hlutabréf allra félaga, utan Össurar sem stóðu í stað, lækkuðu. Úrvalsvísitalan lækkaði um 2,72 prósent.

Mesta lækkunin var hjá Icelandair Group en bréf fyrirtækisins lækkuðu um 3,69 prósent í tæplega 1,4 milljarða króna viðskiptum. 

Bréf N1 lækkuðu næstmest, eða um 2,87 prósent, í 263 milljóna króna viðskiptum.

Líkt og áður segir stóðu bréf Össurar í stað en þess fyrir utan var minnsta lækkunin hjá Högum en bréf félagsins lækkuðu um 0,98 prósent.

Markaðir víða um heim lækkuðu í dag en Dow Jones vísitala féll t.a.m. um 2,26 prósent og breska vísitalan FTSE 100 lækkaði um 2,11 prósent. Þá voru einnig lækkanir í Kaupmannahöfn, Stokkhólmi og Helsinki.

Lækk­an­ir má m.a rekja til lækk­ana á kín­versk­um mar­köðum og verðfalls á olíu- og hrávöru.

• 1 blogg um fréttina

Bloggað um fréttina

• Halldór Egill Guðnason: "Kauphöll"?