Tjaldað í tvo daga fyrir skópar
Setja bókamerki
Kanye West hefur verið umtalaður á síðustu dögum. Fyrst var það fyrir raus á Twitter en nú hefur hönnun hans fengið nokkra Íslendinga til þess að tjalda fyrir utan verslun á Hverfisgötu.
Verslunin Húrra við Hverfisgötu hóf klukkan 11 í morgun sölu á svokölluðum Yeezy Boost 350 Pirate Black skóm sem Kanye West hannaði fyrir Adidas. Skórnir koma í afar takmörkuðu upplagi um allan heim og er eftirspurnin mun meiri en framboðið.
Það má t.d. sjá af því að skóna má finna til sölu á eBay á uppspengdu verði. Skórnir kosta 34.990 krónur í Húrra en á uppboðssíðunni nemur verðið allt frá 800 til 2.100 Bandaríkjadölum, eða sem jafngildir 100 til 250 þúsund íslenskum krónum.
Alls var 21 par í boði en í kringum fjörtíu manns voru í röðinni. Ljóst er því að nokkrir fóru tómhentir heim þrátt fyrir biðina.
Sá sem lengst hafði beðið var mættur í röðina á miðvikudaginn og samkvæmt heimildum mbl ætlar hann að eiga skóna í stað þess að græða á þeim.
Hver viðskiptavinur mátti aðeins kaupa eitt par og ekki var í boði að máta skóna.
Falskur fyrirvari á auglýsingum Höllu
Íslensk kona handtekin á Tenerife eftir líkamsárás
Dæla, kæla og verja mikilvæg mannvirki
Fundur hafinn hjá kennurum, ríki og sveitarfélögum
Vilja 20 ára dóm í frönsku nauðgunarmáli
Fæðuöryggi: „Áttum mat í þrjár vikur“
Börnin eiga að ýta við foreldrum sínum