G-Star vann dómsmál gegn H&M

Sænski tískurisinn H&M tapaði á dögunum máli gegn fatakeðjunni G-Star sem er að hluta í eigu tónlistarmannsins Pharrell. Málið varðaði vörumerkið „Raw“ sem G-Star skráði árið 2005 og hefur notað síðan.

Deilurnar hafa staðið lengi yfir en G-Star stefndi H&M árið 2010 þegar sænska keðjan hóf að framleiða boli og hettupeysur með áletruninni „Raw Beat Experience“.

Taldi G-Star líklegt að orðið „Raw“ gæti valdið ruglingi hjá neytendum og að þeir gætu haldið að varan væri í raun framleidd af G-Star.

G-Star er hollenskt fyrirtæki og féllst áfrýjunardómstóll í Haag í Hollandi á málatilbúnað þeirra.  Í dóminum er tekið fram að orðið „Raw“ sé stærra en önnur orð á fatnaðinum og veki sérstaka athygli.

Frétt The Fashion Law.

Fatnaðurinn umdeildi frá H&M.

• 1 blogg um fréttina

Bloggað um fréttina

• Wilhelm Emilsson: Lög og refsing