Ráðherra ekki stjórnarformaður

Fjármálaráðherra verður ekki stjórnarformaður félagsins sem annast umsýslu og fullnustu stöðugleikaeigna. Þetta kemur fram í tilkynningu frá ráðuneytinu „vegna ranghermis í fréttum.“

Í frétt RÚV í gær kom fram að Bjarni yrði stjórnarformaður félagsins. 

Hið rétta er að fjármálaráðherra skipar stjórn félagsins. Í henni sitja þrír aðalmenn og tveir varamenn líkt og fram kemur í breytingum á lögum um Seðlabanka Íslands sem samþykktar voru í mars.

Unnið er að stofnun félagsins og er gert ráð fyrir að það taki til starfa á næstu dögum.

Félaginu á að slíta þegar það hefur lokið störfum sem verður eigi síðar en 31. desember 2018.

• 1 blogg um fréttina

Bloggað um fréttina

• Páll Vilhjálmsson: Aðför RÚV að heimili Bjarna Ben.