Gamla Nintendo-tölvan aftur á markað

Gamla góða Nintendo-leikjatölvan er væntanleg aftur á markað nema í smærri umbúðum. Nintendo tilkynnti í dag að von væri á hinni klassísku „Nintendo Entertainment System: NES Classic Edition“ leikjatölvu á markað hinn 11. nóvember næstkomandi. Gripurinn mun kosta tæpa 60 dollara, eða um 7.300 krónur á núverandi gengi.
Tölvan er minni en hún var í gamla daga og hægt verður að tengja hana beint við sjónvarp með HDMI-snúru. Fjarstýringin verður sambærileg þeirri gömlu en einnig verður hægt að tengja hana við Nitendo Wii-fjarstýringu. 

Leikjatölvan kom upphaflega út árið 1983 í Japan og fylgdi útgáfa í Bandaríkjunum tveimur árum síðar. Hún var tekin úr sölu árið 2008 og þykir hálfgerður safngripur í dag.

Tölvan verður með þrjátíu innbyggðum leikjum en þeir eru eftirtaldir: 

• Balloon Fight
• Bubble Bobble
• Castlevania
• Castlevania II: Simon's Quest
• Donkey Kong
• Donkey Kong Jr.
• Double Dragon II: The Revenge
• Dr. Mario
• Excitebike
• Final Fantasy
• Galaga
• Ghosts'N Goblins
• Gradius
• Ice Climber
• Kid Icarus
• Kirby's Adventure
• Mario Bros.
• Mega Man 2
• Metroid
• Ninja Gaiden
• Pac-Man
• Punch-Out!! Featuring Mr. Dream
• StarTropics
• Super C
• Super Mario Bros.
• Super Mario Bros. 2
• Super Mario Bros. 3
• Tecmo Bowl
• The Legend of Zelda
• Zelda II: The Adventure of Link