Lyfja auglýst til sölu

Fyrirtækjaráðgjöf Virðingar, fyrir hönd Lindarhvols ehf., auglýsti í morgun opið söluferli á Lyfju hf. Söluferlið fer eftir samþykktum reglum Lindarhvols ehf., sem er að fullu í eigu ríkissjóðs, en þar kemur fram að leggja skuli áherslu á gagnsæi, hlutlægni, jafnræði og hagkvæmni, samkvæmt fréttatilkynningu frá Virðingu. Lyfja er í meirihlutaeigu íslenska ríkisins.

„Með hagkvæmni er átt við að leitað sé hæsta verðs eða markaðsverðs fyrir eignirnar að undangengnu opnu tilboðsferli þar sem gætt er gagnsæis og jafnræðis bjóðenda.“

Áhugasömum bjóðendum er boðið að skila inn óskuldbindandi tilboði fyrir kl. 16 miðvikudaginn 5. október. Þeim sem eiga hagstæðustu tilboðin verður boðin áframhaldandi þátttaka í ferlinu og munu þeir fá aðgang að rafrænu gagnaherbergi með ítarlegri gögnum, kynningu á félaginu frá stjórnendum Lyfju hf. og gefast kostur á að framkvæma áreiðanleikakönnun á félaginu.

• 1 blogg um fréttina

Bloggað um fréttina

• Jóhannes Ragnarsson: Frjáls samkeppni og frelsi í eiturlyfjasölu er lífsspursmál fyrir heilbrigða …