Borgarráð Reykjavíkur hafnaði því í dag að ganga til viðræðna við bandaríska fjárfesta um sölu á Hellisheiðarvirkjun. Þetta segir Dagur B. Eggertsson borgarstjóri í færslu á Facebook. Í gær var greint frá því að einkahlutafélagið MJDB hefði gert Reykjavíkurborg, Akraneskaupstað og Borgarbyggð tilboð í Hellisheiðarvirkjun.
MJDB var sagt að stærstum hluta í eigu Magnúsar B. Jóhannessonar, framkvæmdastjóra hjá America Renewables í Kaliforníu. Kom fram að þetta væri annað tilboðið sem MJDB hefði gert í virkjunina.
„Thanks, but no thanks,“ segir Dagur í færslunni á Facebook.