Þrjú íslensk fyrirtæki vaxa hraðast
Setja bókamerki
Þrjú íslensk fyrirtæki eru á lista Financial Times yfir þau eitt þúsund fyrirtæki sem vaxa hraðast í Evrópu. AirServer er í 262. sæti, Nox Medical er í 468. sæti og Azazo er í 946. sæti.
AirServer forritið gerir notendum kleift að streyma tónlist, myndböndum eða öðru efni úr Apple eða PC-tölvum í þráðlaus tæki sem nota iOS-stýrikerfi Apple.
Hugbúnaðarfyrirtækið Azazo sérhæfir sig í stjórnun og varðveislu upplýsinga og gagna. Fyrirtækið hefur þróað upplýsinga- og verkefnastjórnunarkerfið AZAZO CoreData sem er notað af mörgum af stærstu fyrirtækjum og stofnunum á Íslandi. Azazo býður einnig upp á sjálfstæðar lausnir eins og AZAZO Sign, rafrænar undirskriftir og AZAZO BoardMeetings, sérstaka vefgátt fyrir starfsemi stjórna fyrirtækja.
Þá hefur Nox Medical þróað svefnrannsóknarbúnað.
Á lista Financial Times segir að tekjuvöxtur Airsever á árunum 2012 til 2015 hafi verið 471%, vöxturinn hjá Nox Medical var 232% og hjá Azazo nam vöxturinn 70%.
Þýska fyrirtækið HelloFresh sem helst má líkja við íslenska fyrirtækið Eldum rétt situr í efsta sæti listans en vöxturinn hjá því á árunum 2012 til 2015 nam 13.159%.
Átti ekki að láta pirring bitna á sjúklingi
Gosið gæti varað lengur: Meiri fyrirstaða í gosrásinni
Hraunið náð Njarðvíkuræð: Fylgjast með raflínu
Hvað gerðist eiginlega í VMA?
Sáu eldgosið brjótast út frá Snæfellsnesi
„Erum í miðri hrinu“: Styttist í Eldvörp
Beint: Eldgos hafið við Stóra-Skógfell