Costco verslunin sem verður opnuð í Garðabæ á þriðjudag er nokkuð stærri en hin hefðbundna Costco-verslun og hún verður amerískari í útliti og vöruúrvali en gengur og gerist hjá Costco í Evrópu. „Okkur skilst að Íslendingar séu svolítið hrifnir af því sem amerískt er og við viljum gjarnan koma til móts við það,“ segir Brett Vigelskas, framkvæmdastjóri verslunarinnar hér á landi.

Í versluninni verður einnig að finna heildsöluverslun með áfengi og haft er eftir Bretts í Morgunblaðinu í dag að nýlega hafi verið gengið frá leyfi til slíkrar sölu. Áfengið verður ekki selt einstaklingum, heldur þeim sem eru með fyrirtækjaaðildarkort í versluninni og hafa leyfi til að selja áfengi í smásölu, eins og t.d. veitingastaðir eða barir.

Fleira verður þá sérstakt við íslensku verslunina. Hún verður til dæmis eina Costco-verslunin í Evrópu þar sem sushi verður útbúið og til að undirbúa opnunina og þjálfa starfsfólk er hér nú staddur sushi-gerðarmaður frá verslun Costco í Japan.

Þá verður verslunin hér sú eina í Evrópu sem selur lyf, en apótek er í versluninni. Meðal annarrar þjónustu sem boðið verður upp á í versluninni eru sjónmælingar sjóntækjafræðings.

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• 2 blogg um fréttina

Bloggað um fréttina

• Torfi Kristján Stefánsson: Einkaleyfi ÁTVR afnumið án lagasetningar?
• Ásgrímur Hartmannsson: Hvernig?