„Ég er nú aðallega ánægður fyrir hönd íslenskra neytenda. Maður sér það hérna á verðinu að þetta er lægra en annarsstaðar,“ segir bæjarstjóri Garðabæjar, Gunnar Einarsson í samtali við mbl.is við opnun Costco í morgun í Kauptúni en hann og framkvæmdstjóri Costco klipptu á borðann við verslunina saman. 

Gunnar segist vera viss um að koma Costco verði góð fyrir íslenskan markað. „Svo er ég auðvitað bara ánægður að þetta sé í Garðabæ.“

Gunnar segist vera búinn að skoða sig um í búðinni og segist sjá það að hér séu ódýrari hlutir en annarsstaðar. „Ég held að þetta muni alveg slá í gegn hjá íslenskum neytendum. Fólk er búið að bíða svo lengi og svo er það orðið meðvitaðra um verð en áður og lætur ekki bjóða sér hvað sem er. Það er auðvitað bara flott að neytendavitundin sé orðin meiri en áður.“

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• Blogga um frétt