43% Íslendinga 18 ára og eldri hafa farið í Costco og önnur 49% hafa ekki farið en ætla að heimsækja verslunina við tækifæri samkvæmt niðurstöðum nýrrar könnunar MMR. Tæp 8% svarenda sögðust ekki ætla fara í verslunina. Í könnuninni kom í ljós að yngri svarendur og þeir sem bjuggu á tekjuhærri heimilum voru töluvert líklegri en aðrir til að hafa heimsótt Costco en aðrir.

Könnunin var gerð dagana 6. – 14. júní og var svarfjöldi 974 einstaklingar. Verslunin var opnuð 23. maí.

Fleiri konur en karlar höfðu farið í Costco einu sinni eða oftar eða 47% miðað við 40% karla. Þar af höfðu 10% karla og 11% kvenna farið þrisvar sinnum eða oftar.

Þá kvaðst 51% svarenda undir 29 ára sem hafa heimsótt Costco en 26% þeirra sem voru 68 ára og eldri. Nærri helmingur, eða 49%, þeirra sem bjuggu á heimilum með heimilistekjur yfir milljón krónur á mánuði, hafði heimsótt verslunina en 34% þeirra sem bjuggu á heimilum með undir 400 þúsund krónur í tekjur.

Af þeim sem búsettir voru úti á landi sögðust 60% svarenda ekki hafa farið í Costco en myndu gera það við tækifæri en 43% þeirra sem búsettir voru á höfuðborgarsvæðinu sögðu slíkt hið sama. Að sama skapi höfðu 50% höfuðborgarbúa heimsótt verslunina en 29% íbúa landsbyggðarinnar.

Ef horft er til stjórnmálaskoðana má sjá að stuðningsfólk Vinstri grænna hafði síst heimsótt Costco eða 29% en stuðningsfólk Samfylkingarinnar var aftur á móti líklegast til að ætla ekki að fara í Costco eða 13%. Sjáflstæðismenn virðast hins vegar llíklegastir til að kjósa Costco, en 95% þeirra hafa annað hvort komið í verslunina eða ætla að fara þangað við tækifæri.

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• 2 blogg um fréttina

Bloggað um fréttina

• Íslenska þjóðfylkingin: Kostulegir vinstri menn
• Axel Jóhann Axelsson: Costco afhjúpar langvarandi okur á flestum sviðum