Ferðaþjónustan ekki uggandi yfir seðlinum

„Við styðjum almennt aðgerðir stjórnvalda gegn svartri atvinnustarfsemi heilshugar, þetta er meinsemd sem þarf að uppræta.“ segir Grímur Sæmundsen, formaður Samtaka ferðaþjónustunnar.

Frétt af mbl.is

10.000 króna seðillinn úr umferð

Greint var frá tillögum starfshóps á vegum fjármála- og efnahagsráðuneytisins á mbl.is í dag um að tíu þúsund króna seðillinn og fimm þúsund króna seðillinn verði teknir úr umferð. Markmiðið er að sporna við skattsvikum.

Grímur segir að hann hafi ekki kynnt sér tillögurnar til hlítar en í fljótu bragði sjái hann ekki hvernig afnám tíu þúsund króna seðilsins kæmi sér illa fyrir ferðaþjónustuna. Honum þykir þó fullbratt að taka fimm þúsund króna seðilinn úr umferð. Spurður hvort meira sé um svarta atvinnustarfsemi í ferðaþjónustu en öðrum atvinnugreinum segist Grímur ekki telja að sú sé raunin. 

„Það er alltaf verið að tala um ferðaþjónustu og svarta atvinnustarfsemi í sömu setningu en hún er viðloðandi í öllum atvinnurekstri. Ég hef ekki séð tölur um að það sé meira um svarta atvinnustarfsemi í ferðaþjónustunni en í öðrum atvinnugreinum.“ 

• 2 blogg um fréttina

Bloggað um fréttina

• Geir Ágústsson: Snyrtilegast að banna bara öll viðskipti
• Ómar Geirsson: Þegar Engeyjarveldið eignast hlut í kreditkortafyrirtæki.